सिंहगर्जना- २०२३ कार्यक्रम उत्साहात
दशकपूर्ती वर्षानिमित्त व्यंकटेश मल्टीस्टेटचा छत्रपती संभाजीनगर(औरंगाबाद)येथे सिंहगर्जना- २०२३ कार्यक्रम उत्साहात….
विश्वासाहर्तेतून जनमानसात अढळ स्थान निर्माण करणाऱ्या व्यंकटेश मल्टीस्टेटच्या दशकपूर्ती निमित्त सिंहगर्जना कार्यक्रमाचा सोहळा छत्रपती संभाजीनगर ( औरंगाबाद ) येथे पार पडला. यावेळी मनोरंजन कार्यक्रम तसेच विविध पदावर उत्कृष्ट कामगिरी करणारे अधिकारी, कर्मचारी यांचा सन्मान करण्यात आला....
या कार्यक्रमास महाराष्ट्र राज्य पतसंस्था फेडरेशनचे अध्यक्ष ओमप्रकाश तथा काका कोयटे, नागेबाबा उद्योग समूहाचे अध्यक्ष कडूभाऊ काळे,फेडरेशन ऑफ मल्टीस्टेटचे संचालक शिवाजीराव कपाळे ,गोदावरी अर्बन,नांदेडचे संचालक धनंजय तांबेकर , डिझाईन ॲडिक्टचे संचालक ज्ञानेश शिंदे , व्यंकटेश शुगर प्रा.लि.चे समाधान डोईफोडे, पिओसीट सॉफ्टवेअर प्रा.लि.चे संचालक अभिजित नांगरे, फिनलिप फिनसर्वहचे संचालक विपुल वाडिया ,व्यंकटेश मल्टीस्टेटचे संस्थापक अभिनाथ शिंदे, सहसंस्थापक व्यंकट देशमुख, सहसंस्थापक कृष्णा मसुरे, सहसंस्थापक अनिल गुंजाळ, सीईओ मंगेश देहेडकर आणि सर्व अधिकारी, कर्मचारी उपस्थीत होते.
मा.ओमप्रकाश कोयटे यांनी व्यंकटेश मल्टीस्टेटच्या यशस्वी वाटचालीचे कौतुक करताना आर्थिक क्षेत्रात शिस्त आणि धडाडी असेल तर संस्था मोठी भरारी घेऊ शकते असे सांगून संस्थेच्या पुढील वाटचालीस शुभेच्छा दिल्या. कडुभाऊ काळे यांनीही व्यंकटेश मल्टीस्टेटचे टीम वर्क आणि व्यवस्थापन याचे कौतुक केले. अभिनाथ शिंदे म्हणाले की,दशकपूर्ती वर्षात संस्था ६०० कोटीं पेक्षा अधिकचा व्यवसाय करण्यात यशस्वी झाली आहे. दहा वर्षांच्या वाटचालीचे सिंहावलोकन करताना पुढील मोठ्या भरारीची सिंहगर्जना आज करण्यात आली आहे. ग्राहकांना सतत सर्वोत्तम सेवा देण्यासाठी संस्था कटिबद्ध असून यात कर्मचाऱ्यांचा सिंहाचा वाटा असल्याचे त्यांनी आवर्जून सांगितले.
